又來一篇月記 XD

再不貼下文的話
很快我連這個 BLOG 點樣入都唔記得了 XDD

上星期剛去過隊長和隊 "SO" 的婚禮, 見回了舊莊員
以前莊聚都是約出來吃飯, 今時今日, 卻變成了每當有莊員有喜時才聚一堂
的確... 大家都忙了..

當天我其實節目非常豐富
一開頭便要去學校所屬團體的步行籌款, 行了加留在嘉年華攤位一個多小時
然後要回家, 火速地沖涼換衫
先到另一個舊同事的婚宴, 食左一半後, 再飛的去隊長的婚宴下半場..

這個月很多人結婚
下星期又是另一個舊校的同事結婚
早陣佢打電話來問我到唔到
我話我會出席, 不過請佢唔好編我同前老細同埋一些我冇乜興趣到時話俾佢地知我近況的前同事一齊坐
聽落好似好小家, 不過諗真一層
我沒有理由因為某些人而避去當事人的婚禮
又免得過當日坐埋面阻阻唔多自然
我會同人講我的近況, 唔代表我想同任何人講吧

下次再談