乞丐

返屋企途中, 又見到同一個亞婆在街邊行乞

記得舊年我還在返工時, 早上去到地鐵站門口,
就會見到這位婆婆跪晌出口度討錢
間唔中都會有途人施捨數元
想不到晚上都仲見到佢

試過一次俾成廿元, 總覺得一個年老的女人在行乞很慘
雖然, 我總是問... 其實會否又是另一個用行乞來賺錢

很少時, 屋企人和老師都會話, 見到乞丐的話, 可以的都俾少少錢佢
當時我真的很聽話, 見一個, 一元幾角都會
慢慢, 開始聽到話有職業行乞, 又或是一些忤逆兒女搵老人家乞錢去食白粉等
就開始少俾了
及後, 自由行, 或者那些斷手斷腳 (有人話係刻意的??) 的那種充斥街上時
已經變成近乎每次都是擦身而過
好似好硬心腸, 但係總不想錢落入不正當的用途上

早兩星期睇巴士電視
警訊宜家叫人見到行乞要同警方舉報云云
整個觀念, 好像已經完全改變了..

是好是壞乎?